كجدي الهواري يطرح سؤال “لية روبي مش واخدة حقها بالرغم من موهبتها؟!” ونسرين أمين تقول “عشان مافيش عدالة”

المخرج مجدي الهواري طرح سؤال مهم لمتابعيه عبر حسابه بموقع انستجرام وقال: “لماذا شخص بحجم موهبة روبي لم يأخذ حقه”، وقام بنشر بوستر مسلسل “اهو ده اللي صار” وكتب “سؤال محيرني هى ليه حد بحجم موهبة روبي في التمثيل مش واخدة حقها عندنا!1 يمكن علشان مابدأتش بالأعمال العظيمة زي فاتن حمامة ولا زي الساحرة سعاد حسني وكتير كتير هنا وبرة جاتلهم الفرصة من أول يوم”.

واستكمل “ولا علشان الإنطباع الأول بيفضل مسيطر! من وجهة نظري دية لو برة وبحجم موهبتها ديه وسنها الصغير ده ممكن تبقى واحدة من الكبار أوي وخالص لأنها صوت وصورة وإحساس وطعم معندناش زيه وزي العالمية وكتير منهن!! مش عايز أذكر حد من هنا علشان مبقاش الدبة اللي كلت صاحبها وبدل ما البوست ده يبقى في مصلحة روبي يتحول ضدها”.

رد نسرين أمين على الهواري

قامت الفنانة نسرين أمين بالرد على الهواري وقالت: “عشان مافيش عدالة في إعطاء الفرص مش في المجال الفني بس ولكن في كل المجالات ودي حاجة قديمة وموجودة من ومان بس دلوقتي بقت سائدة عشان كدة لما بتيجي فرصة كويسة للفنان المناسب بيلمع بجمة ويلفت الانتباه على عكس الأأدوار والأعمال المتفصلة لتنجيم فلان أو علانة عمرها ما عملت ولا حد افتكرها”.