في الذكرى الثانية لرحيل الساحر محمود عبد العزيز، قام إبنه الفنان محمد محمود عبد العزيز بنشر صورة له مع والده الراحل رحمة الله عليه وعلق قائلاً: “برضو هتصور مع حضرتك وهتجمعنا صور جديدة”، وذكر السبب في نشر الصورة وقال: “بصراحة الصورة دي مكنتش متصورها عشان أنزلها على السوشيال ميديا، كنت عاملها ليا أنا بس عشان أحطها على موبايلي وأعلقها في بيتي وشركتي، بس قلت لنفسي إن أكيد في ناس كتير عاملة زي حالاتي وليها حد غالي عليها بعيد عنها، أي كان نوع البعد حتى لو مسافر مدة طويلة”.
واستكمل قائلاً: “نصيحتى أعمل زي ما أنا عملت، أتصور صورة حلوة مع صورة حلوة للشخص الغالي عليك، ولو كان مسافر ابعتهاله وعرفه قيمته عندك وحسسه بحبك ليه، ساعتها أكيد هيفرح وانت كمان هتفرح وهتقصر بينكوا المسافات مهما طالت”.
محمد محمود عبد العزيز يطلب الدعاء لأبوه
واستكمل قائلاً: “العمر مهما طال قصير، اللي انت حاسه قوله واللي بتحله قوله بحبك في وشه، صدقني ممكن بكرة ماتلاقيهوش،أما لو غالي عليك المسافة اللي بينك وبينه أبعد من السفر، أكيد برضه هيحس وهيفرح وانت كمان هتفرح إنك معاه في صورة جديدة حتى لو مع صورته”، وأخيراً:”أسألكم الفاتحة والدعاء لأبويا ولكل من رحلوا عنا”.
التعليقات